Thaçi: Kushtetuta pasqyron përpjekjet shekullore për liri, barazi e drejtësi

10:04 | 9 Prill 2018
Arbresh.info

Presidenti i vendit, Hashim Thaçi ka thënë se Kushtetuta e Republikës së Kosovës pasqyron më së miri përpjekjet shekullore për liri, barazi e drejtësi.

Thaçi, përmes një statusi në Facebook me rastin e 10 vjetorit të Kushtetutës ka deklaruar se asnjëherë nuk do të ndalen për të punuar në forcim të shtetit, shkruan Arbresh.info.

Lexoni të plotë statusin e tij:

Kushtetuta e Republikës së Kosovës sot shënon dekadën e parë. Si udhërrëfyes për krijimin dhe forcimin e shtetit, ajo pasqyron më së miri përpjekjet shekullore për liri, barazi e drejtësi dhe dëshmon vendosmërinë për të ndërtuar një të ardhme të përbashkët në paqe të qëndrueshme. Asnjëherë nuk do të ndalemi së punuari për të forcuar shtetin, duke respektuar të drejtat e liritë e çdo qytetari dhe duke garantuar barazinë e tyre para ligjit. HTH./Arbresh.info